السفير 24
تفاجأ متتبعو ألعاب القوى بغياب العداء المغربي سفيان البقالي عن سباق 3000 متر موانع، ضمن ملتقى شنغهاي الدولي، ثاني محطة فالدوري الماسي اللي تحتضناتو الصين.
وكان من المنتظر يشارك البقالي، بطل العالم فهاد المسافة، فسباق اليوم السبت، غير أن اسمه ما كانش فاللائحة الرسمية للمشاركين، الأمر اللي خلا التمثيل المغربي يقتصر فقط على العداء عبد الرفيع بوعسل.
اللجنة المنظمة ما خرجاتش بأي توضيح رسمي بخصوص هاد الغياب، وحتى البقالي بنفسو ما صرح بتاشي حاجة، الشي اللي زاد من الغموض حول سبب الانسحاب المفاجئ.
وتجدر الإشارة إلى أن البقالي كان شارك الأسبوع الماضي فملتقى شيامن، وجا فالمركز الثاني من بعد الإثيوبي صامويل فيروي، اللي فاز بالسباق وسجل رقم قياسي جديد للملتقى.
غياب البطل المغربي على محطة شنغهاي خلى بزاف من المتتبعين يطرحو تساؤلات حول الجاهزية ديالو لباقي الجولات فالبرنامج ديال الدوري الماسي، خصوصاً مع اقتراب المحطات الحاسمة قبل الألعاب الأولمبية.
