السفير 24
جراندو الجبان يخرج من جحره ويقع في مصيدة علم النفس العكسي، بردة فعل خربقات ليه جدول الضرب، وكيصرح بأن دولة كندا مقبلاتوش كمقيم دائم على اراضيها، الا بشرط يجيب حسن السيرة والسلوك ديالو من المغرب، وهادشي طبعا لي كضمنو دولة الحق والقانون, ولي كتعطي لفيش لي كتلقى فيها لاشيء، يلا كنت كتحتارم القانون وما درتيش علاش…، وعادي انك تلقاها عمرات من بعد ما كتولي تشهر بالاشخاص، والمؤسسات الرسمية للدولة وزيد وزيد… وعادي ان يكون من نصيب كل مخالف للقانون جزاء.
ولأن “لادجيد” أقوى جهاز أمني في شمال افريقيا والشرق الأوسط.. ، ولي كيتعاون مع أجهزة استخباراتية دولية، على الصعيد الدولي،… فأكيد انه ما مساليش لواحد عجوز كيخرف من وراء كاميرا وميكرو سميتو جرايندو الجبان.. ، وأكيد مغيحتاجش ترسل ليه معلوماتك وهو جهاز أمني ساهر على ضمان الأمن ديال جميع المغاربة.
أنت يا “جراندو” شخص معروف على منصات التواصل الاجتماعي بمحتواك لي تجاوز الحدود،.. حيث كتستهدف المسؤولين المغاربة في كل مرة وكتضرب في العرض ديالهم بلا حشمة ولا حيا… هاد الشي كيبين أنك كتحاول تشد الانتباه بأي طريقة، حتى لو كانت على حساب الكرامة ديال الناس.
“لادجيد” مؤسسة أمنية كدافع على الوطن وأبناء الوطن في الداخل، والخارج مغتحتاجش حتى حد يدافع عليها، المؤسسات الإعلامية الوطنية كتبقى بحال داك المواطن لي كيساهم في الدفاع عن الوطن والوحدة ديالو الترابية تجاه أي عدوان، ماشي بحال جراندو عايش على الادسنس وشيكات وهبات الجهات المعادية.
وفي الأخير كنقول ليك يا “جراندو” ، القانون الكندي عندو دور كبير يقدر يلعبو فهاد القضية.. خاصو يتدخل ويطبق الإجراءات القانونية اللازمة باش يحاسبك على التصرفات ديالك اللي كتمس بسمعة ديال الناس والكرامة ديالهم… وكنزيدك القانون الكندي معروف بالتزاماتو تجاه حماية حقوق الأفراد وكرامتهم، وغيكون صارم فهاد الحالات، خاصة أن تصرفات ديال بحال هاد العجوز الجبان كتقدر تخلق مشاكل كبيرة وتكون عندها آثار سلبية على العلاقات بين الدول.
يتبع…
