زكرياء مومني.. من فضيحة الابتزاز إلى الخيانة ومعطيات حصرية

تحية بوغطاطية للجميع،

“زكرياء مومني”… بمجرد ما كتسمع هاد السمية كتفكر جوج مشاهد مقززة لا غير.

المشهد الأول (وهو باش أنا شخصيا عرفت أول مرة هاد الصلڭوط، ومازال عاقل كنت كنقرا فالسنة الثانية ماستر)، وهو المشهد لي قطع فيه الباسبور المغربي على الهواء مباشرة فالقناة الفرنسية TV5 Monde وعلن رسميا أنه تخلى عن جنسيته وهويته المغربيتين.

وبالبنسبة لي معارفش هاد المعلومة… هاد الصعلوك الهارب من العدالة الفرنسية، من مور ما قطع الباسبور ديالو وتخلى نهائيا على جنسيتو المغربية، بدل السمية ديالو… وسما راسو Zackarie وهي لي مكتوبة عندو حاليا فالباسبور وأوراق الهوية الفرنسية لي كانت صاوبات ليه مراتو السابقة طالين من مور ما صوفاتو من الميزيريا وصرفات عليه وعلماتو التشيطين وكانت العقل المدبر لعملية الابتزاز لي كان باغي ينصب بها على المغرب… ولي فاللخر تنكر ليها وغدرها وخانها وماعقلش عليها.

غير وكان هاد السمية الجديدة ديالو مكانش ممكن يدير حداها “سيدي” بحال لي كان داير فالمغرب، فلاكارط ناسيونال ديالو.

وعلى ذكر هاد “سيدي”. من المعلومات الحصرية تاني لي ما عمر تهضر عليها ولي أول مرة نكشف ليكم هاد السر لي حكاه ليا مؤخرا أقرب المقربين من مومني (ولي غادي يجي الوقت المناسب يخرج باش يفضح شلاااا حوايج صاااادمة عليه فكندا هههههه) هاد السر أسيادنا هو أن هاد الصعلوك قبل مايمشي لفرنسا وحتى قبل التحنقيز ديالو باش كان باغي يتعرض للملك فوسط الطريق، كان كيتشحتف ويطير مع الطيور وكان غادي يتسطى ويموت باش يولي بوليسي…. أااايييه…. زكرياء مومني كان باغي يولي بوليسي.

وتخايلو معايا هاد التحنقيز كامل لي فيه وهاد السعرة والجعرة لي فيه وزيد عليها عقدة النقص لي منكدة عليه حياتو وهي السبب باش زاد ديك سيدي فلاكارط ناسيونال… تخايلو معايا هادشي كامل فيه وهو ماشي بوليسي.. أما كون ولا بوليسي وحس بالسلطة…. نااااري يعلم الله أش كان غيدير لعباد الله…. ولكن الخاااايبة هي أنه كان غادي يلقى تاني الحموشي واقف ليه بالمرصاد فإطار سياسة لي فرط يكرط ويكركبو بأحسن رابور تأديبي هههههههه فهتو دابا سر الفوبيا لي عندو مع الأمن وتحديدا مع الحموشي.

والمشهد الثاني طبعا، لي كيطيح على بال أي واحد سمع السمية ديال هاد الصلكوط، وهو بالنسبة ليا أحسن مشهد لي فضح جزء من حقيقة المرتزقة والخونة فسنة 2021، وهو داك الفيديو الشهير لي بان فيه وهو كيبتز المغرب وكيطلب بكل وقاحة 5 مليون د الأورو… وطبعا بلا ما نهضرو على مشهد التكلبينة وهو منبطح كيسني على 10 آلاف أورو لي خداها باش يخلص بها جزء من الكريديات لي دارها ففرنسا.

من غير هاد جوج ديال المشاهد، هاد الصعلوك الهارب من العدالة الفرنسية، ما دار تا وزة زوينة فحياتو لي تفكرو بها. أما ديك القزديرة لي خداها وهي سباب لهايلالا لي دايرها ولي كان باغي ياخذ بها صالير مدى الحياة بارد لكتاف لاخر، بلا مايكمل المسيرة ديالو، القانون لي كان دارو الملك الحسن الثاني الله يرحمو للأبطال العالميين والأولمبيين، ما كيتعرفش بيها ومادخلاش فنطاق الرياضات أو البطولات لي منصوص عليها فداك القانون.

ولكن الجديد لي كان أصلا متوقع وهو أن هاد الصعلوك، من مور ما بدا يطلع معاه الصهد فكندا، لي مقدرش يقنعها بالخرايف ديالو باش ياخذ اللجوء وبدا كيحس بأنه غادي يتريو عليه للبلاد لي هرب منها ومن العدالة ديالها ولي هي فرنسا، هاد الصعلوك بدا كيتبحلس ويشيت لسيادو لفرانسيس عل وعسى يقبلو عليه يكون ليهم أوسخ جفاف ضد المغرب، مقابل يميكو عليه فالقضايا لي متابع بها تماك.

وهادشي لي اعترف بيه هو بلسانو فالفيديوهات الأخيرة ديالو وكولشي شاف كيفاش تزادت فيه ضلعة وهو كيقول ويعاود ويأكد بأنه كيتوصل بمعلومات حصرية من جهات نافذة في فرنسا (كون بعدا غير شي معلومات صحيحة مقادة مزيان). وكولشي شاف كيفاش كان كيدافع على المسؤولين الفرنسيين ويتبحلس ليهم ويلمع ليهم فالصورة وقال بأن المسؤول لي شارك فالمعرض الدولي للأمن الداخلي فقطر، شخص نقي وفوق مستوى الشبهات وماشي متابع فشي قضية، عكس الحموشي لي متورط فقضايا التعذيب، حسب القول ديالو ههههههه ولكن لي الصلكوط راه كيبقا صلكوط بايع راصو رخيييييص.

لأن المسؤول لي مثل فرنسا فداك المعرض، هو وزير الداخلية، جيرالد دارمانين، أكثر الوزراء إثارة للضجة ماشي غير فهاد الأيام الأخيرة بسبب فضيحة المباراة ديال ریال مدريد وليفربول، ولكن حيت هاد المسؤول الأول على أمن الفرنسيين ناااايضة عليه بسبب تورطه فقضية اغتصاب والشطط فاستعمال السلطة باش يوصل لأغراض جنسية…. هادشي بلاااا ما نهضرو على الانتقادات التي موجهة ليه بسبب الإفراط فاستعمال القوة من طرف الشرطة ضد الشعب الفرنسي فالمظاهرات، خصوصا ديال صحاب.

أما الحموشي لي كيقول عليه هاد الصلكوط بلي متورط فقضايا التعذيب، فالقضاء الفرنسي براسو اعترف بأن دوك الاتهامات لا أساس لها من الصحة، وحفظ الشكاية ديالو بشكل نهاااائي ف 2016.

وسخرية القدر، هي أن النقطة المشتركة لي كاينة بين الصلكوط ديال زكرياء مومني وسيدو ومولاه لي كيشيت ليه وزير الداخلية الفرنسي، هي أن الطليقة ديال جيرالد دارمانين كانت باغة تشهد ضدو فقضية الاغتصاب حيت عارفة شنو كيسوا، تماااما بحال لي غادي تدير شي نهارTaline Sarkissian الطليقة ديال مومني هههههه وغادي تفضح التفاصيل ديال هاد الصعلوك، كيفما فضحات شي بركة فالبحث ديال الماستر ديالها.

غير وكان أهم الفضائح لي تقدر تفركعهم طالين هي داكشي لي حصلاتو عليه متلبس مع واحد الشخص، ولي كان السبب فالدباز لي ناض بيناتهم وفرشخها وهرب من فرنسا.

وداك الشخص كان ليه الفضل الكبييير فداك الكتاب لي كتبو ليه ونشروه هو ومراتو ف 2015، ولي العنوان ديالو أصلا مسروق من واحد الرواية تنشرات سنة 2005 سميتها « L’homme qui voulait parler au monde » ولي الله سبحاااان الله ويا عجباااه على صدفة أنه حتى تاريخ النشر ديال هاد الرواية هو نفسو تاريخ ميلاد الصلكوط ديال مومني، وزيد عليها أنه بطل هاد الرواية هو بوليسي هههههه شفتو الصلكوط شحاال هو fan ديال البوليس وكيف كان غيموووووت يولي بوليسي واخا غیر فالخيال ديالو هههههه.

وطبعا كولشي كيتسائل شكون هاد الشخص لي عاون مومني؟؟ وشنو حصلات عليه مراتو طالين؟ وإيمتا؟؟ وكيفاش؟؟

هادشي لي غادي نكتشفوه فالوقت المناسب… وإلى ذلك الحين كنقول لهاد الصلكوط فييييق أ بابا من الڭلبة فييييق راك قرييييبا غادي تتخور أكبر تخويرة فحياتك ههههههه.